網紅的藏寶箱突然搵返開張啲相出嚟，原來當時我已經好攰。面對當時喺我嚟講9成都係陌生人嘅學生，我真係好驚，完全笑唔出。
有邊個會知，原來我當時已經有抑鬱同埋驚恐？連我自己都怪自己，點解唔對人笑？點解黑口黑面？
不過，我從來無得出「如果可以回到從前」嘅想法，每一個經歷，都係人生重要嘅一步，我再辛苦都唔想失去。
「咪令自己康復囉」呢一句，講時輕描淡寫，做時百上加斤，但身邊有咁多人錫我，無論點樣，我都要好似大家愛我咁去愛自己。
2年之後，好返好多喇，每日都做運動，每日喺IG Story同大家互勉，各位有困難有心結，需要動力嘅就嚟睇我啦！
我會調理身體，重現笑容，再次衝刺！